Connect with us

Featured

Lexoni këto elemente para se t’i porositni dritaret e shtëpisë

Published

on

Dritaret janë të parat elemente që të krijojnë përshtypjen për një shtëpi. Ato janë “syri” dhe “veshi” i shtëpisë.

Forma , dimensionet dhe llojet  e dritareve duhet të jenë në harmoni me fasadën e shtëpisë. Për të qenë  në harmoni edhe me ambientin dritaret duhet të jenë nga PVC  dhe nuk duhet të kenë plumbin për stabilizator të plastikës.

Mundësia e zgjedhjes së ngjyrave të ndryshme dhe të teksturave të drurit e rritë mundësinë e lojës me ngjyrën e fasadës së shtëpisë. Apo, për një ngjyrë të fiksuar për shtëpinë tuaj ju duhet të përcaktoheni edhe për ngjyrën e dritareve tuaja.

Dritaret dhe dyert janë elementi më i kushtueshëm gjatë ndërtimit të shtëpisë suaj, prandaj kujdesi në përzgjedhjen e dritareve duhet të jetë i shtuar.

Dritaret e kualitetit të lartë janë të punuara me elemente përbërëse të kontrolluara dhe të testuar në përmbushjen e kritereve teknike.

Profilat e plastikës duhet të jenë në trashësinë e nevojshme të mureve të jashtme të profilit. Vetëm profilat me trashësi të mureve të jashtme 3 milimetër japin sigurinë e qëndrueshmërisë mekanike. Dritaret i ekspozohen veprimeve të jashtme klimatike e atmosferike prandaj kualiteti i PVC është kusht që dritarja të rezistojë e padëmtuar për një kohë të gjatë. Vetëm dritaret e mira do ta ruajnë shkëlqimin dhe sipërfaqen e lëmuar dhe gjithmonë do të duken atraktive .

Dritarja duhet të jetë e bukur dhe në të njëjtën kohë edhe funksionale. Mënyrat e hapjes caktohen me vëmendje duke u përqendruar në funksionin e vet dritares, në nevojat fizike për dritare të hapur, nga pamja estetike e brendshme dhe e jashtme si dhe në bazë të mënyrës së jetës së personit i cili e ka porositur në veçanti.

Duhet ti kushtohet kujdes mekanizmit i cili e mundëson hapjen dhe mbylljen e dritareve. Mekanizmat e kualitetit të lartë sigurojnë lëvizje të lehtë të mbyllësve dhe në të njëjtën kohë sigurojnë baraspeshim të mirë të krahut të dritares për profilin e kornizës.

Mbyllja e mirë e pengon qarkullim e ajrit edhe në rastin e diferencave të mëdha të shtypjes së ajrit nga brenda dhe jashtë. Mekanizmat tani kanë edhe siguresat të cilat kushtëzojnë hapjen dhe mbylljen e drejtë të dritares gjegjësisht ia pamundësojnë dritares varjen vetëm në një mbështetje.

Nga mekanizmi gjithmonë kërkohet të ketë veti të mira mekanike sepse ai do ta mbaj derën apo dritaren të sigurt nga hapja e dhunshme dhe njëkohësisht edhe dëmtimi i tyre.

Kështu ju do të blini vetëm një herë dyert dhe dritaret tuaja, ku do të kurseheni ekonomikisht dhe nuk do të shpenzoni kohën tuaj me gjërat e njëjta disa herë.

Click to comment

You must be logged in to post a comment Login

Leave a Reply

Aktuale

‘Autostrada Hangar’ do të hapë dyert për publikun më 5 Mars 2022

Published

on

Autostrada Hangar synon të gjenerojë bashkëjetesë mes komuniteteve duke punuar dhe prodhuar së bashku si një ekip dhe do të përdoret veçanërisht për të plotësuar nevojën urgjente të një edukimi joformal dhe programeve të ndërtimit të aftësive në mënyrë që të fuqizojë të rinjtë në Kosovë dhe rajon.

“Edhe pse hapësira jonë u përdor si një nga ambientet kryesore të edicionit të tretë në 2021, ku patëm një vit mjaft të suksesshëm me ekspozitën tonë ndërkombëtare, programin e zhvillimit të aftësive dhe edukimit, më 5 mars ajo do të jetë gati të hapë dyert e saj me një dizajn i ri dhe një program vjetor.

Deri më tani, ne kemi qenë të përkushtuar për të institucionalizuar “Autostrada Hangar” si institucioni i vetëm i artit bashkëkohor në Prizren përmes krijimit të një programi publik vjetor bazuar në nevojat e komuniteteve dhe partnerëve duke ndjekur parimin e gjithëpërfshirjes, duke e bërë programin të hapur për komunitete të ndryshme dhe më shumë. ekologjikisht të qëndrueshme”, shkruan në njoftim./Media Ndërtimi.

Continue Reading

Aktuale

Asociacioni i Arkitektëve shpallë zgjedhjet për kryetar

Published

on

Asociacionit të Arkitektëve të Kosovës, njofton se duke u bazuar në Ligjin Nr. 06/L-043, për Lirinë e Asocimit ne Organizata Joqeveritare dhe Nenit 27, të Statutit të Asociacionit të Arkitektëve të Kosovës, të vitit 2020, shpallë Zgjedhjet e rregullta për Kryetarin e AAK-së

Kuvendi zgjedhor i Asociacioni i Arkitektëve kosovar, do të mbahet të mërkurën, më 30.03.2022 nga ora 17:00, në Modelariumin e Fakultetit të Arkitekturës – Prishtinë.

Ftohen, të gjithë anëtarët e Asociacionit të Arkitektëve të Kosovës që të marrin pjesë në kuvendin zgjedhor, dhe në frymën e konkurrencës së lirë dhe kandidimit, të shprehin vullnetin e tyre për tu kandiduar për pozitën e kryetarit të a-a-k, duke u mbështetur në nenin 33, të statutit./Media Ndërtimi.

Continue Reading

Aktuale

Fasadimi me stiropor do t’ia humbë identitetin ‘Soliterave’ ikonikë në Ulpianë!

Published

on

Komuna e Prishtinës në mars të vitit të kaluar kishte prezantuar planin për renonvimin e banesave të ‘soliterëve’ në lagjen Ulpiana të kryeqytetit.

Renovimi është projekt i përbashkët i Komunës së Prishtinës me Bankën Botërore dhe fondet e Korporata e Sfidës së Mijëvjeçarit (MCC), si një nga shtatë komunat që është përzgjedhur për renovimin e objekteve të vjetra.

Ish-kryetari Shpend Ahmeti kishte deklaruar se projekti në fjalë ka të bëjë me ndërtesat ikonë të lagjes Ulpiana, si shembulli më i mirë i planifikimit të një lagjeje.

Por, Komuna e Prishtinë për një projekt të tillë nuk ka organizuar paraparakitsh asnjë debat publik në të cilën do të mund të shprehshin mendimet për sa i përket këtij renovim në ndërtesat ikonike të Prishtinës.

Arkitekti A.K, i ka thënë Media Ndërtimit se ky lloj renovimi i ‘soliterave – Kullave ikonike të Prishtinës’ duhet të vlerësohet si shqetësuese për komunitetin e deri tek nivelet e komunës, drejtorit të urbanizmit, Arbër Sadikit kryetarit të komunës, Përparim Ramës dhe Asosacionit të Arkitektëve të Kosovës.

“Është me rendësi të ngritët si çështje identiteti i këtyre kullave ikonike te qytetit! Të ngritët si çështje para se te filloj renovimi, sepse mandej është vonë! Nëse ky projekt realizohet siç është propozuar, këto ndërtesa do te humbin identitetin e çmuar qe ja japin kryeqytetit, do të bëhen sikurse objekti i fakultetit teknik, e shume ndërtesa tjera të mbështjella me stiropor dhe llaq”, deklaroi arkitekti A.K.

“Këto ndërtesa prezantojnë vlera arkitektonike dhe urbanistike të një periudhe të caktuar të zhvillimit për kryeqytetin; poashtu edhe pjesë e memories kolektive!”, shtoi ai.

Një nga arsyeje se pse këto ndërtesa janë njëra nga ikonat e Prishtinës, nuk ka të bëj vetëm me lartësinë e tyre, por është materiali i veçantë që është i aplikuar vetëm në këto ndërtesa banimi, dhe detajet që e përbejnë këtë arkitekturë.

“Materiali i llamarinës dhe detajet/paternet ekzistuese të llamarinës janë me rendësi dhe duhet me u rishfaq ne fasade te rinovuar!

Investimi ne efiqience të energjisë është shumë me rendësi, edhe duhet të bëhet. Mirëpo renovimi i fasadës finale, dizajni dhe materiali i mbështjellësit nuk duhet të ndërrohet! Llamarina e re duhet te aplikohet duke u inspiruar nga fasada ekzistuese.

Në vend të stiroporit dhe llaqit, të aplikohet llamarinë sa me e ngjashme me atë ekzistuese, paternet dhe madhësitë e paneleve të llamarinës të ruhen poashtu!”, thotë për Media Ndërtimin arkitekti A.K.

Rina Meta, nga Milllenium Kosovo për Kallx.com ka thënë se, renovimi i pesë Soliterëve do financohet nga MFK 60 për qind, komuna 30 për qind dhe 10 për qind nga ndërmarrja publike banesore, 5 për qind prej tyre nga ana e banorëve.

Sipas Metës, për momentin është duke u punuar në zgjedhjen e dizajnit për fasadën, pasi komuna ka kërkuar kujdes të veçantë në fasadën që do përdoret, sepse duan të ruajnë identitetin e ndërtesave.

“Momentalisht, jemi në fazën e vlerësimit të dizajneve për fasadën e“Soliterëve”, kurse pas kësaj faze do të filloj procesi i tenderimit të kompanive ndërtimore. Për shkak të veçantisë arkitektonike të këtyre objekteve, Komuna e Prishtinës dhe MFK kanë kërkuar kujdes të veçantë në përzgjedhjen e fasadës dhe implementimin e fazave fillestare, për t’u siguruar ruajtja e identiteti vizuel të këtyre objekteve”, shtoi tutje Meta.

Sipas saj, punimet përfshirë edhe instalimet solare pritet të përfundojnë në pranverën e vitit 2022, kurse ne jemi afër kësaj kohe ndërsa punimet në terren as që kanë filluar./Media Ndërtimi.

 

Continue Reading

Trending