Connect with us

Aktuale

Apelit i dështoi dy herë tenderi për blerje të karrigeve, kompanitë s’po i përmbushin kushtet [dokument]

Published

on

Nga shtatë kompani aplikuese nën tenderin për furnizim të Gjykatës së Apelit me karrige lëvizëse dhe statike, asnjëra nga to nuk ka plotësuar kriteret e kërkuara nga specifikacioni teknik, shkruan Ndërtimi.info

Kjo gjendje ka shtyrë Gjykatën e Apelit ta anulojë tenderin për këtë furnizim, që pritet ta hapë përsëri në një kohë të ardhshme.

Në njoftimin e kontratës, sipas dokumentit që është publikuar në Komisionin Rregullativ të Prokurimit Publik, Gjykata e Apelit ka planifikuar t’i ndajë 4,775 euro. Me këto para ata planifikonin t’i blini në total 62 karrige të ndara në tri lote.

Në lotin e parë të blinin një karrige lëvizëse, në lotin e dytë 21 karrige lëvizëse, kurse në të tretin lot të blinin 40 karrige statike. Tenderi fitues do të përcaktohej nga ai që ka çmimin më të ulët të ofertës.

Mirëpo, e gjitha kjo dështoi për arsye se asnjëra nga kompanitë konkurruese nuk ka përmbushur kushtet e parapara.

I njëjti tender ka dështuar edhe në  nëntorin e vitin e kaluar, kur kishin konkurruar dy kompani, por arsyeja e anulimit ishte njëjta, nuk kishin përmbushur kriteret e paracaktuara nga institucioni shpallës.

1 Comment

You must be logged in to post a comment Login

Leave a Reply

Aktuale

Rasti ‘Brezovica’, arrestohen 4 persona, dy të tjerë mbeten në arrati!

Published

on

Prokuroria e Ferizajt, ditën e djeshme ka njoftuar se ka bastisur gjashtë lokacione dhe ka arrestuar katër persona, ndërsa dy të tjerë mbeten në arrati pasi nuk ishin hasur në vendbanimet e tyre.

Ndër të arrestuarit është edhe Bekim Pireva i cili është ortak në një biznes në Ulqin më Idriz Thaçin, vëllain e ish Presidentit Thaçi. Kallxo.com ka kontaktuar me avokatin e Pirevës, Arben Shala, por ai ka qenë shumë i shkurtër.

“I vetmi bashkëpunim i yni me z.Idriz Thaçi është në projektin ndërtimor në Ulqin. Të dhënat e kompanisë dhe aksionarëve janë të gjitha publike dhe online”, pati deklaruar Bekim Pireva, drejtor i kompanisë “Premium Bau Ulqin”.

Bekim Pireva, gjithashtu e kishte pranuar se ka qenë aksionar edhe me qytetarë serbë, por kishte deklaruar se ato nuk janë bërë asnjëherë aktive. Ai pati deklaruar se është aksionar me 70% të aksioneve në biznesin “Energy Power” Sh.P.K. me seli në Zubin Potok, në të cilën janë aksionarë edhe Bojan Jakshiq (20% të aksioneve) dhe Millovan Simiq (10% të aksioneve).

“Jemi vetëm tre aksionarë atje në Ulqin, unë bashkë me Arben Jetullahun dhe Idriz Thaçin, që të dy i njoh në Prishtinë kohë më parë. Po, Idrizi është vëllai i Hashim Thaçit, unë kam pas edhe një kompani tjetër me disa serbë të Zupqit por nuk është më sepse nuk kemi mujtë me hapë fabrikën”, theksoi Pireva.

Emisioni KallxoPernime i titulluar ‘Veriu dhe investimet në Ulqin’, të transmetuar vitin e kaluar mund ta ndiqni në linkun e mëposhtëm.

Sipas njoftimit të Prokurorisë në Ferizaj, personat e arrestuar janë me inicialet Xh. B., I. F., Xh. Sh., dhe B. P. Ata janë ndaluar për shkak të dyshimit se të njëjtit kanë kryer veprat penale “Marrja e ryshfetit” “Ushtrimi i ndikimit” dhe “Dhënia e ryshfetit”./Media Ndërtimi.

Continue Reading

Aktuale

Nexhat Krasniqi mbetet pa pozitën e shefit të Prokurimit në Ministrinë e Infrastrukturës

Published

on

Shefi i Prokurimit në Ministrinë e Mjedisit, Planifikimit Hapësinor dhe Infrastrukturës, MMPHI, Nexhat Krasniqi nuk mban më pozitën udhëheqëse të këtij divizioni.

Në një përgjigje të MMPHI për Kallxo.com bëhet e ditur se më datë 24 maj Ndriçim Mustafa është caktuar zyrtar përgjegjës për menaxhimin e Divizionit të Prokurimit.

“Më datë: 24.05.2022, Ndriçim Mustafa, është caktuar zyrtar përgjegjës për menaxhimin e Divizionit të Prokurimit, në kuadër të MMPHI-së, si rezultat i bashkimit të Ministrisë së Mjedisit, Planifikimit Hapësinor dhe Infrastrukturës, me qëllim të koordinimit të aktiviteteve të dy Divizioneve të Prokurimit, deri në hyrjen në fuqi të rregullores së re për organizimin e brendshëm të MMPHI-së”, thuhet në përgjigjen e tyre.

MMPHI nuk kanë treguar se cilat kanë qenë arsyet e largimit të Krasniqit dhe nëse do mbajë ndonjë pozitë tjetër brenda ministrisë ku udhëhoqi divizionin e Prokurimit.

Në emisionin “KallxoPernime” më 27 prill 2022, zëvendësministri i Infrastrukturës Hysen Durmishi ka folur për raportet e tij me tashmë ish shefin e prokurimit Nexhat Krasniqi, ku deklaroi se nuk takohet çdo ditë me të.

“Jo, nuk rri natë e ditë në zyrën time. Në zyrën ku punoj unë, çdo drejtor i departamentit, çdo shef i divizionit, çdo zyrtar që punon në ministri, e ka derën çelur sa unë jam aty. Ai (Nexhat Krasniqi), nuk vjen shpesh te unë. Ai vjen vetëm kur ka nevojë për m’u konsultu me mua. Së pari, unë përveç që jam zëvendësministër jam edhe inxhinier dhe për ashtu unë nuk duhem me bo kurrgjë e veç duhet me pritë kur të ma sjellin ndonjë dokument me e nënshkru”, deklaroi Durmishi.

Durmishi ka thënë se Krasniqi ka ardhur 2-3 muaj në punë para se të vinin në qeverisje, kjo pasi ky i fundit ka qenë i suspenduar./Media Ndërtimi.

Continue Reading

Aktuale

Anulohet vendimi për miratim të Planit Zhvillimor Komunal të Gjilanit

Published

on

Anulimi i vendimit për miratim të Planit Zhvillimor Komunal, sipas kryetarit Alban Hyseni i hap rrugë plotësim ndryshimit të materialit bazë dhe garanton mundësi zhvillimi për Komunën e Gjilanit.

“Bartja e dy aktiviteteve, atij të mirëmbajtjes dhe sigurimit të objekteve komunale, objekteve të arsimit dhe atyre të shëndetësisë në kuadër të ndërmarrjes “Tregu” siguron shërbime me të mira për komunën dhe i jep fund një problemi shumëvjeçar për të cilin asnjëherë nuk është gjetur vullneti politik për t’u trajtuar dhe zgjidhur.

Falënderoj asambleistët e Kuvendit Komunal të Gjilanit për mbështetjen e këtyre dy propozimeve tejet të rëndësishme për Komunën dhe qytetarët.”, deklaroi kryetari i Gjilanit, Alban Hyseni./Media Ndërtimi.

Continue Reading

Trending