Connect with us

Aktuale

Azemi: Fitimi i kompanisë çmohet më shumë se jeta e punëtorit

Published

on

 

Ditët e kaluara të cilat janë përcjellur me temperature shumë të larta kanë bërë që reagimi i Sindikatës së Sektorit Privat të Kosovës  të jetë i domosdoshëm, pasi ka bërë inspektimin e disa kompanive, lidhur me gjendjen reale të punëtorëve në sektorin privat.

Kryetari i kësaj sindikate, Jusuf Azemi, ka reaguar duke thënë se gjatë vikendit të fundit kur temperaturat arritën në 40 gradë celsius, punëtorët e ndërtimtarisë punonin pa asnjë mbrojtje.

Madje sipas Azemit, punëtorët e sektorit privat punonin pa kontrata pune.

Reagimi i plotë i Azemit:

“Sindikata e Sektorit Privat të Kosovës me datë 01.07.2017 ka bërë inspektimin e disa kompanive, lidhur me gjendjen reale të punëtorëve në sektorin privat.

Çka pamë atë ditë kur ishte ditë vikendi dhe temperaturat ishin 40 gradë celsius. Ishte më e tmerrshmja kur punëtorët në godinën 20 katshe te “Lakrishtja” në 40 gradë celsius punonin pa asnjë mbrojtje në punë, nuk kishin as mbrojtjen e tyre personale, veshja e tyre të çonte mendjen se ata janë në plazh, e jo në ndertës 20 katërshe.

Të gjithë këta punëtorë që ne kontaktuam ishin nga Shqipëria me asnjë kontratë pune. Aty u bindëm se ne nuk kemi shtet të mirëfilltë. 

Në hapësirat ku duhet vendosur ashensorët, ato ishin të hapura pa asnjë mbrojtje. Të gjitha këto që ne i themi i kemi të dokumentuara edhe nga ekipi i Klan Kosovës, që i kishim dëshmitar të këtij inspektimi.

Pyesim a ekziston ndonjë mekanizëm që së pakut duhet ruajtur shëndetin e atyre punëtorëve, edhe pse edhe ne si sindikata kemi përgjegjësitë tona. Për mos inspektimin e këtyre vendpunishteve jemi të bindur se ekziston rrjet mafioz, pasi që vetëm në këtë ndërtesë takuam  rreth 30 punëtorë pa asnjë dokument.

Atë çka e pamë atë ditë mos e pafsha as në vendet më të skajshme të Afrikës. Me këtë u bindën se sistemi kriminalistik në këtë sektor është më i fort se ai shtetëror, kuptohet me bekimin e këtij të dytit.

Jusuf  Azemi  – kryetar

Sindikata e Pavarur e Sektorit Privat të Kosovës”.

Click to comment

You must be logged in to post a comment Login

Leave a Reply

Aktuale

Shtatorja e Adem Jasharit vitin e ardhshëm vendoset në Prishtinë

Published

on

Nënkryetarja e Komunës së Prishtinës, Donjeta Sahatçiu, ka bërë të ditur sot se shtatorja e Adem Jasharit do të vendoset në kryeqytet në vitin 2023.

Sahatçiu ka bërë të ditur se vitin tjetër, komuna e Prishtinës ka futur në buxhetim edhe shtatoren për Adem Jasharin.

“Edhe në Prishtinë, tash, në buxhetin 2023, e kemi edhe shtatoren e Adem Jasharit. Një memorie kolektive edhe në Kryeqytet, përveç komunave të tjera”, ka thënë Sahatçiu.

Kjo do të jetë hera e parë, në 23 vite pas luftës, që shtatorja e Komandantit Adem Jashari do të vijë në Prishtinë./Media Ndërtimi

Continue Reading

Aktuale

9 persona humbën jetën në vendin e punës, kërkohet angazhimi i 100 inspektorëve të punës

Published

on

Siguria në punë vazhdon të jetë problem për punëtorët kosovarë. Si rezultat i saj, gjatë vitit të kaluar nëntë persona kanë humbur jetën në vendin e punës e 188 kanë pësuar aksidente, thotë kryeinspektori i punës, Hekuran Nikçi.

Në rastet e aksidenteve në vendpune, kur inspektorët kanë konstatuar se është shkelur ligji nga ana e punëdhënësve, ndaj tyre janë shqiptuar masa ndëshkimore.

Në një intervistë për Ekonomia Online, kryeinspektori i punës, thotë se inspektimet po bëhen në bashkëpunim me Policinë e Kosovës.

“Gjatë vitit 2021, Inspektorati i Punës ka evidentuar 188 aksidente në vendin e punës, nga të cilat 139 kanë rezultuar me lëndime të lehta, 40 prej tyre me lëndime më të rënda dhe nëntë prej tyre kanë rezultuar me fatalitet në vendin e punës. Në fakt kur e kam marrë këtë pozitë institucioni tjetër që kemi pasur bashkëpunim ka qenë vetëm Policia e Kosovës, kështu që me Policinë kam trashëguar një bashkëpunim ku Inspektorati i Punës ka ndërmarrë aksione në biznese të ndryshme, si në gastronomi, ndërtimtari dhe këtu operacione kanë rezultuar shpesh të suksesshme”, thotë Nikçi.

Përkundër paralajmërimeve për rritjen e numrit të tyre, numri i inspektorëve të punës në nivel vendi vazhdon të jetë i njëjtë. Nikçi, tregon numrin e inspektorëve që janë aktualisht dhe që planifikohet të shtohen.

“Sfidat që i kam gjetur dhe i kam konstatuar me marrjen e mandatit janë të shumta, fillimisht duke u nisur me numrin e vogël i inspektorëve të punës. Me 1 qershor të këtij viti, Inspektoratin e Punës e kam gjetur me 31 inspektorë, duke u përballur nga ky realitet, unë kam vërejtur se mbikëqyrja e zbatimit të ligjeve, është tejet i mangët me këtë numër të inspektorëve, dhe si rezultat unë kam shpallur një konkurs të brendshëm në shërbimin civil për 27 pozita për inspektorë dhe nga ky konkurs kemi arritur t’i rekrutojmë vetëm katër inspektorë, dy në regjionin e Prishtinës dhe dy në regjionin e Gjakovës. Sido që të jetë me 35 inspektorë prapë numri është i vogël për mbikëqyrjen e zbatimit të ligjeve. Për vitin 2023 kemi planifikuar dhe buxhetuar edhe për 100 inspektorë të ri të punës, të cilët përgjatë vitit 2023 në faza të ndryshme do të shpallim konkursin dhe me angazhimin e këtyre 100 inspektorëve të ri, mbikëqyrja e ligjit do të jetë në një nivel më të mirë sesa që është tani. Në fakt Inspektorati i Punës ka nevojë edhe për më shumë se aq, por për vitin e ardhshëm i kemi të buxhetuar edhe 100 inspektorë të ri”, u shpreh ai./Media Ndërtimi

Continue Reading

Aktuale

Çmimi i naftës në nivelin më të ulët që nga fillimi i këtij viti

Published

on

Çmimet e naftës kanë rënë për rreth 5%, në nivelin më të ulët për tetë muajt e fundit, përderisa dollari ka arritur fuqinë më të madhe në dy dekadat e fundit.

Çmimet po bien mes frikës së inflacioni në rritje do t’i shtyjë ekonomitë e mëdha drejt një recesioni, kështu duke e shkaktuar uljen e kërkesës për naftë.

Sipas Reuters çmimet e naftës së papërpunuar në Teksasin Perëndimor kanë rënë në 78.4 dollarë, rreth 7% më pak se në fillimjavë.

Rënia e naftës është shënuar për katër javët e fundit radhazi, hera e parë që ndodh nga shtatori./Media Ndërtimi

Continue Reading

Trending