Aktuale
Autostrada pa pushimore nga neglizhenca e Minstrisë së Infrastrukturës [video]
Katër vjet nga përurimi i autostradës “Ibrahim Rugova”, përgjatë rrugës vërehen hapësirat e zbrasta të pushimoreve të planifikuara, që e lë autostradën në statusin “e papërfunduar”.
Aty ndalen makinat, por nuk kanë kurrfarë shërbimi. Madje përgjatë autostradës nuk ka as pompë për karburant, raporton Ndertimi.info.
Një projekt i tillë është në letër, por që është lënë pas dore nga Qeveria e Kosovës, konkretisht Ministria e Infrastrukturës.
Projekti “Ndërtimi i Stacioneve të shërbimit në rrugën 7” është dorëzuar në prill të 2014 nga Ministria e Infrastrukturës dhe është miratuar nga Komiteti për Partneritet Publiko-Privat. Mirëpo, sipas Ministrisë së Financave, ky projekt nuk ka vazhduar në procedura të mëtutjeshme nga Ministria e Infrastrukturës, të cilat as nuk kanë dhënë ndonjë informacion në Ministrinë e Financave.
E ministri në largim i Infrastrukturës, Lutfi Zharku për Ndërtimi.info ka folur për këtë projekt, ku si në shaka thotë që I mbetet qeverisë së ardhshme, teksa pranon që është lënë anash dhe nuk është pajtuar me disa pika të projektit.
“Qeveria e ardhshme… Unë e kam gjetur një projekt që është dashur të realizohet nëpërmes PPP (partneritet publiko-privat), dorën në zemër nuk kam qenë I kënaqur me disa kushte, por që nuk I kemi kushtuar një kujdes ndoshta të duhur gjatë kësaj kohe, duke e lënë në atë se kur të kryhet edhe autostrada ‘Arbën Xhaferi’”, ka thënë Zharku.
Sipas projektit, do të ndërtohen 6 stacione të shërbimit dhe kohëzgjatja e koncesionit do të jetë 25 vjet.
-
Infrastrukturë2 days ago
Komuna e Prishtinës hap tender 6 milionë euro për ndërtimin e nënkalimit në rrugë “Agim Ramadani”
-
Infrastrukturë3 days ago
AVONET: Gjykata Supreme me vendim skandaloz po i shërben ‘mafisë së betonit’
-
Infrastrukturë9 hours ago
Kontraktori kinez i tuneleve pretendon rekord të ri në drejtimin e tunelit të autostradës së Gjeorgjisë
-
Infrastrukturë11 hours ago
Hap dyert ‘Zenova Home’, partneri juaj për mobilimin e shtëpisë
-
Infrastrukturë3 days ago
“Super Kanalizim” i Londrës përfundon ndërtimin e nëntokës
-
Aktuale10 hours ago
Mbahet “Konferenca Studentore Ndërkombëtare e Inxhinierisë së Ndërtimit” (ISCCE 2024)
-
Aktuale2 days ago
’53 milionëshi’ – Pse Gjykata e Prishtinës vendosi që kompensimi të zgjidhet në kontest juridiko-civil
-
Infrastrukturë1 day ago
Pas pesë javësh skadon licenca e Terminalit Doganor në Ferizaj
You must be logged in to post a comment Login