Arkitektët e huaj në Prishtinë: Ka shumë kaos, por edhe pozitivitet [video]

0

Ligjëratat dhe punëtoritë për arkitekturën deri më 15 korrik do të jenë rutinë në Prishtinë. E gjitha kjo falë Festivalit Kosovar të Arkitekturës, që ka mbledhur mbi 20 ligjërues nga jashtë vendit dhe përkrahës të tjera. Prej tyre ka edhe arkitektë të cilët japin mendim për arkitekturën dhe gjendjen në Prishtinë.

Bekim Ramku, drejtues i Festivalit, tregon se sa shumë ka ndikuar që këto vite ky festival te idetë e studentëve që marrin pjesë si vullnetarë.

“Mundemi me vërejt që në pesë vitet e fundit se si ka ndryshuar konceptimi i projekteve nga ana e studentëve. Nëse i shihni punimet e studentëve e shihni se si na ndryshuar”, ka thënë ai për Ndërtimi.info.

Ramku ndan disa nga ligjëratat që duhen përcjellë gjithsesi në këtë festival, ndër ta edhe një ndërtues i cili ka bërë të mundura objektet më të vështira për t’i realizuar, sikur të arkitekturës me famë botërore, Zaha Hadid.

Kurse një nga arkitektët ndërkombëtar që është pjesë e edicionit të pestë të Festivalit Kosovar të Arkitekturës, është Jose De Andres Moncayo. Ai e sheh Prishtinën në një kaos, por jep edhe shpresë.

“Ka shumë kaos dhe kur shoh me sy pozitiv, ka shumë jetë dhe pozitivitet. Në vitet e ardhshme e shoh që do të jetë një qytet i hapur dhe do të arrijë zgjidhjen e problemeve. Keni shumë trashëgimi dhe ju mund t’i shfrytëzoni ato, sepse janë fuqi”./Ndertimi.info/

 

PËRGJIGJU

Please enter your comment!
Please enter your name here