Connect with us

Aktuale

AKP inicion përcaktimin e kufirit kadastral për parcelën e NPB-së

Published

on

Kreu i Agjencia Kosovare e Privatizimit, Avni J. Jashari, i ka iniciuar procedurat për përcaktimin e kufirit kadastral në mes të parcelës së NPB-së dhe një parcele të administruar nga AKP-ja përkundër faktit se kjo çështje po hetohet nga Prokuroria Speciale për shkak të pretendimeve të bazuara për keqpërdorime dhe shkelje ligjore.

Intervistimi nga hetuesia i disa zyrtarëve të AKP-së nuk i ka bërë përshtypje kreut të AKP-së, për ta pritur epilogun e hetimeve, por i ka iniciuar procedurat për ndryshimin e gjendjes ekzistuese kadastrale në terren dhe krijimin e një situate krejtësisht të re.

Për këtë qëllim, më 14 dhjetor 2021, në zyret e Agjencisë Kosovare të Privatizimit (AKP),  Jashari ka mbajtur një takim të fshehtë për publikun me kërkesë të kryeshefit të Ndërmarrja Publike Banesore SH.A. Prishtinë  (NPB), Hajdar Hoxha për ta shtyrë përpara këtë çështje problematike ligjore që lidhet drejtpërdrejt me projektin e dyshimtë multi-milionësh afaristo banesor të NPB-së në Lakrishtë, ndaj të cilit rëndojnë akuza serioze për dhjetëra shkelje ligjore e procedurale dhe që po zhvillohet një hetim i gjerë.

Përkundër faktit se kjo çështje është me interes të madh publik, dy bartësit e funksioneve publike janë dakorduar dhe kanë marr vendime në kushte të jotransparencës dhe pa njoftim të medieve.

Sipas burimeve të sigurta brenda NPB-së, kryeshefi i kësaj ndërmarrjeje, Hajdar Hoxhaj,  në takim me z. Jashari ka insistuar të marr pëlqimin për përcaktimin e kësaj mexhe, të cilin pëlqim nuk kishte arritur ta merrte prej kohësh për shkak të shumë parregullsive dhe mungesës së dokumentacionit të plotë kadastral që do ta dëshmonte sipërfaqen faktike të NPB-së në Lakrishtë.

Sipas këtyre burimeve, për ta shtyrë përpara këtë çështje, Jashari e Hoxhaj, janë dakorduar që NPB-ja ta sillte një propozim të ri.

Propozimi me kufijtë e ri kadastral është hartuar me procedurë të shpejtuar dhe është dorëzuar nga z, Hoxhaj, vetëm tri ditë pas takimit, më 17 dhjetor. Për përcaktimin e kufirit të ri, në terren nuk ka marr pjesë asnjë përfaqësues i autorizuar i AKP-së si palë në këtë çështje.

Pasi ka pranuar këtë propozim, kreu i AKP-së, Avni J. Jashari, është interesuar që institucioni që drejton ta procedoj lëndën tutje, përkundër faktit se lënda nuk është e kompletuar dhe ka probleme të padefinuara pronësore teksa po hetohet për shkelje ligjore nga Prokuroria Speciale në kuadër të hetimit të përgjithshëm rreth projektit afaristo-banesor.

Lënda është miratuar në parim nga AKP-ja, në prag të Vitit të Ri dhe pret nënshkrimin e drejtorit.

Lidhur me këtë çështje kanë qenë të mbyllur dhe nuk janë deklaruar fare as Jashari e as Hoxhaj, që prej datës 22 dhjetor kur kanë pranuar pyetjet përmes e-mailit zyrtar.

Lidhur me këtë çështje përmes emaileve zyrtarë kam vënë në dijeni Bordin e AKP-së, Agjencinë Kadastrale të Kosovës, Zyrën e Kuvendit të Kosovës që mbikëqyrë punën e AKP-së, Kryeministrinë dhe organet e drejtësisë.

Historiku i çështjes

Muaj më parë vendimi për përcaktimin e kufirit kadastral në mes të parcelës së NPB-së dhe një parcele të administruar nga AKP-ja ishte nxjerr kundërligjshëm nga Kadastri i Komunës së Prishtinës, pa pëlqimin e AKP-së.

Vendimi ishte miratuar nga Komuna përkundër faktit se NPB-ja kishte kontraktuar një teknik gjeodet me shkollim të mesëm, i cili kundërligjshëm dhe jashtë kompetencave të tij kishte përcaktuar kufirin duke kryer punën e gjeodetit të licencuar.

Për këto shkelje banorët e Lakrishtës e kishin njoftuar ministrin e mjedisit, Liburn Aliu i cili më pas i kishte kërkuar Agjencia Kadastrale   t`i hetonte këto pretendime.

Shkeljet janë vërtetuar dhe Drejtoria e Kadastrit në fund të qeverisjes së Shpend A. Ahmeti ishte detyruar ta anulonte vendimin që kishte nxjerr vetë dhe ta kthente gjendjen e mëparshme kadastrale.

Askush nuk ka dhënë përgjegjësi penale por as morale për këtë çështje.

Nuk ka pasur dorëheqje e as shkarkim.

Ekzistojnë dyshime të bazuara se në këtë projekt multi-milonësh janë të përfshirë një rrjet i tërë institucional dhe jo vetëm.

Prokuroria Speciale do ta thotë fjalën e saj.

Në shkrimet e radhës:

Si është e mundur të iniciohet procedura dhe të insistohet për caktimin e dhunshëm të mexhës me fqinjin kur NPB-ja nuk po arrin ta dëshmojë pronën e saj në Lakrishtë dhe sipërfaqja e saj është në shpërputhje me fletën poseduese?

*Artikull i shkruar nga gazetari Arsim Halili./Media Ndërtimi.

Aktuale

Kompanitë do t’i drejtohen Gjykatës Komerciale në vend të Organit Shqyrtues të Prokurimit

Published

on

Rreth 800 është numri i lëndëve të cilat Bordi i Organit Shqyrtues të Prokurimit nuk do t’i trajtojë.

Kimete Gashi, anëtare e bordit të ri, ka thënë për emisionin e ekonomisë, Portofol në Klan Kosova FM, se ankesat që janë dorëzuar për mbi një vjet, sa OShP s’kishte bord, janë vlerësuar si të papërshtatshme.

“Bordi ka vendosur që nuk ka pas kompetencë që t’i trajtojë ato. Secilin operator e kemi njoftuar dhe ata tash mund t’i drejtohem Gjykatës Komerciale”, është shprehur Gashi.

“Afërsisht kanë qenë 800 lëndë që i kemi gjetur që kanë qenë të parashtruara si ankesa”.

Gashi ka theksuar se synimi si bord i ri është që të punojnë në formën më të drejtë.

“Misioni i bordit është që dera e OShP-së të jetë dera më e besueshme e çdo operatori ekonomik dhe çdo personi fizik ose subjekt ekonomik që mendon se i është shkelur një e drejtë”.

Continue Reading

Aktuale

Si e ndryshuan Gratë Arkitekturën në Amerikë?  

Published

on

Në kohën e këtij shkrimi, e ardhmja për gratë në Shtetet e Bashkuara duket e zymtë. Përmbysja e Roe kundër Wade nga Gjykata e Lartë e SHBA nuk do të thotë vetëm se gratë në të paktën 20 dhe deri në 30 shtete nuk do të jenë në gjendje të zgjedhin kur dhe nëse do të durojnë shtatzëninë dhe lindjen e fëmijëve.

Do të thotë gjithashtu se disa prej tyre nuk do të jenë në gjendje, për shembull, të lënë një punë të keqe, sepse u duhen para për të rritur fëmijën që nuk donin të kishin. Do të thotë se ata nuk do të jenë në gjendje të largohen nga një marrëdhënie në të cilën nuk duan të jenë më, sepse duhet të ndajnë detyrat e kujdesit për fëmijët. Kjo do të thotë se ata mund të vdesin nëse shtatzënia e tyre përfundon me një abort, trajtimi për të cilin është zgjerimi dhe kuretazhi, njësoj si një abort i vonshëm. Kjo do të thotë se, afërsisht në gjysmën e këtij vendi, gratë nuk kanë kontroll të plotë mbi fatet e tyre.

Politika bashkëkohore është një kornizë thellësisht e padrejtë përmes së cilës mund të rishikohen dy libra të botuar së fundmi për gratë në arkitekturë – Gratë që ndryshuan arkitekturën dhe zgjerimin e fushës së arkitekturës – por duke e bërë këtë ofron një mundësi për të vërejtur se si të kuptojmë dhe mbështesim më së miri betejat e grave sot.

Vëllimi i parë (The Women) është një koleksion i profileve të shkurtra të më shumë se 144 arkitektëve që janë gra. Ajo merr një qëndrim të ndërgjegjshëm revizionist; redaktori Jan Cigliano Hartman pretendon në parathënien e saj se “do të ndryshojë historinë e arkitekturës, duke sjellë arkitektet femra në narrativën qendrore”.

E dyta (Fusha e Zgjeruar) nuk është një koleksion njerëzish por projektesh; redaktorët deklarojnë paraprakisht se ata “parashikuan që ky libër do të ishte një koleksion prej 40 projektesh që ndodhin të hartohen nga gratë”.

Dëshira që ky tipar i përbashkët të shfaqet si një rastësi kur në fakt ishte një zgjedhje e qëllimshme pasqyron një shqetësim me kategorinë e “gruas arkitekte”, një e dhënë se ka diçka që nuk është plotësisht e drejtë me vendosjen e kësaj kategorie dhe mbajtjen e saj si të rëndësishme. . Ky shqetësim është i pranishëm në të dy vëllimet; në The Women, shfaqet si një sugjerim i përsëritur i deklaratës së Dorte Mandrup se ajo nuk është “një arkitekte femër”, por thjesht, “një arkitekte”. Në vend që të hetojnë këtë shqetësim, të dy vëllimet kalojnë drejt e në të.

Sigurisht, nuk po them që njerëzit e paraqitur në këto vëllime nuk duhet të festohen si individë. Shumë prej tyre kapërcyen vështirësitë personale dhe seksizmin shoqëror për të arritur sukses profesional. Kjo është e lavdërueshme.

Por ne nuk duhet të biem në grackën e të besuarit se gratë individuale që fitojnë pushtetin nën një sistem thellësisht të padrejtë është mirë për të gjitha gratë. Të ngatërrosh arritjet personale me përparimin kolektiv është naive në rastin më të mirë, cinike në rastin më të keq dhe e dëmshme në të gjitha rastet.

Pas leximit të të dy librave, zbuloj në secilin një shpresë se gratë do ta shohin veten të përfaqësuar dhe do ta dinë se është e mundur që ato të arrijnë atë që kanë bërë gratë në faqet e tyre. E kam të vështirë të imagjinoj një grua të tillë. Gratë nuk kanë nevojë për libra për gra arkitekte për të kuptuar se ato mund të jenë gjithçka që duan, se mund të bëjnë gjithçka që duan.

Në atë fushë loje, feminizmi tashmë ka pasur sukses. Gratë e dinë se janë të afta. Ne kemi nevojë vetëm për të drejtat themelore të njeriut.

Marianela D’Aprile është një shkrimtare në Brooklyn./Media Ndërtimi.

Continue Reading

Aktuale

“I dyshimtë dhe favorizues”, tenderi për “Arkitektin e kryeqytetit”

Published

on

Tenderi në vlerë prej 12 milionë euro për “Konsulencë për themelimin e Shërbimit të Arkitektit të Kryeqytetit për nevojat e Komunës së Prishtinës”, po i duket i “dyshimtë dhe “favorizues” Lëvizjes Vetëvendosje.

Shefi grupit të asamblistëve të LVV-së në Komunën e Prishtinës, Gëzim Sveçla në konferencën për media, tha se kjo kontratë është e dyshimtë, pasi ka kosto tejet të lartë dhe është favorizuese pasi është fushë e njëjtë profesionale me atë të kryetarit të komunës, Përparim Rama, raporton Shqip.com.

Ai tha se komuna ka shumë probleme të tjera të cilat janë më emergjente.

“Veprime abuzive siç është rasti me tenderin për konsulencë, nuk është që s’e kemi pritur, por jo kaq shpejt. Pra, ka keqmenaxhim dhe rezultate zero nga kryetari Rama. Janë bërë tetë muaj, për këtë periudhë dhe lajmi më i mirë është se kryetari Rama ka mbaruar mandatin 20 për qind. Kryetari Rama nuk ka as vizion dhe vullnet për t’i zgjidhur problemet e shumta të qytetarëve të Prishtinës, pra asgjë nga premtimet e dhëna nuk kanë nis të zbatohen”, tha ai.

Tenderi është shpallur përmes procedurës së kufizuar. Ndërsa kohëzgjatja e kontratës do të jetë 36 muaj.

Afati i fundit për dorëzimin e ofertave është 31 gushti. Sipas njoftimit, në bazë të aplikacioneve të pranuara, më së shumti 6 kandidatë do të ftohen për të dorëzuar tenderët e detajuar të kësaj kontrate.

Në dosjen e tenderit thuhet se qëllimi i këtij projekti është krijimi i hartës unike të planifikimit të kryeqytetit, krijimi i bazave te shënimeve, krijimi i bazës së sistemit gjeografik të informacionit, krijimi i rregulloreve dhe manualeve të nevojshme për funksionimin e pakove programore për përcjelljen e lejeve, ndërtimeve, mirëmbajtjeve, tatimit dhe shërbimeve komunale dhe krijimi i sistemit interaktiv online të komunikimit me qytetarët./Media Ndërtimi.

Continue Reading

Trending