Connect with us

Dizajn

Hapësirat për promovimin e punës artizanale janë thelbësore për fuqizimin e grave në këtë biznes

Published

on

Përfshirja e grave dhe vajzave në tregun e punës vazhdon të jenë një ndër sfidat kryesore me të cilat përballen gratë dhe vazjat në Kosovë. Mungesa e politikave dhe mekanizmave të qëndrueshëm për mbështetjen e grave dhe vajzave në tregun e punës ka bërë që ato të gjenden në një betejë të vështirë për të vazhduar aktivitetin e tyre në tregun e punës.

Ndërkohë, periudha e pandemisë COVID-19 ka ngjallur shumë diskutime lidhur me sfidat e punësimit të grave dhe bizneseve. Gjetjet nga vende të ndryshme tregojnë se bizneset e udhëhequra nga gratë u përballën me sfida më të mëdha dhe rezultate më të pafavorshme në krahasim me burrat, si rritja e përgjegjësive për kujdesin ndaj fëmijëve, mbyllja e bizneseve, reduktimi i të ardhurave dhe aksesi në financa të kufizuara.

Venera Rada, aktiviste e shoqërisë civile nga Prizreni është po ashtu e njohur për veprimtarinë e saj artizanale. Ajo ka kryer kurse të ndryshme për aftësim profesional, si për ngjyrosje në porcelan, për bizhuteri, ngjyrosje në materiale, në dru e të tjera. Ajo ndoqi edhe një shkollë artizanale në Turqi, ku u trajnua për filografi, pilografi.

Pas kthimit nga Turqia, Venera është përfshirë në shoqata të ndryshme si ‘Orkide’ dhe më pas në shoqatën ‘Step’ ku është edhe bashkëthemeluese e saj. Përmes përfshirjes së saj në këto shoqata, ajo ka mbajtur kurse për gra dhe vajza të tjera për të ndarë njohuritë dhe ekspertizën e saj në artizanat dhe për t’i avancuar ato në tregun e punës.

E pyetur se cila është puna që i pëlqen më shumë ajo thotë: “Puna që më pëlqen më shumë është ajo me shajak, por edhe të tjerat. Puna me shajak është e njëjta teknikë pune si me veshjet kombëtare, si plisi, tirqitë e të tjera, por që unë me atë teknik të punës punoj çanta, e gjëra të tjera”.

Duke folur për interesimin për veprimtarinë artizanale, Venera tregon se zakonisht ka një ndarje gjinore kur bëhet fjalë për atë se kush i ndjek zakonisht këto kurse. Ajo tregon se në Kosovë, për dallim nga Turqia, këto kurse dhe ky aktivitet njihen si aktivitet që i takon vetëm grave dhe zakonisht kurse të tilla i ndjekin vetëm gratë e moshës së mesme deri në 45 vjeç.

Sipas Venerës, kjo veprimtari nuk gjen shumë hapësirë në tregun kosovar dhe nuk ka shumë interesim nga njerëzit për të blerë gjëra të punuar me këto teknika, dhe aq më pak nga gjeneratat e reja. Për këtë arsye, thotë ajo, është shumë problematike qasja në tregun e punës për gratë që i ushtrojnë këto zanate. Arsyet janë nga më të ndryshmet por më kryesoret janë mungesa e hapësirës për ekspozimin e produkteve që ato prodhojnë, mungesa e përkrahjes instutcionale, mungesa e organizimit më të shpeshtë të panaireve. E vetmja mënyrë për të ekspozuar aktivitetin e tyre janë panairet, të cilat janë të rralla.

Ajo tregoi se si në vazhdimësi kanë kërkuar nga niveli komunal që të kenë një hapësirë ku mund të ushrojnë dhe promovojnë veprimatrinë e tyre, kjo do të ishte edhe një përkrahje e rëndësishme për aktivizimin e grave në tregun e punës.  Janë të shumta gratë që kanë kryer kurse artizanale, por për pjesëmarrjen e tyre në tregun e punës duhet të ketë politika të qarta për të ofruar fillimisht një hapësirë ku ato të shesin produktet e tyre dhe të promovojnë punën e tyre. Meqenëse po flasim për gratë që nuk kanë kapital për të nisur biznesin e tyre.

Venera tregon ndër të tjera sfidat në të cilat kanë hasur gjatë viteve sa herë që kanë kërkuar përkrahje institucionale për t’i zhvilluar aktivitetet e tyre. Ajo shprehet “ka mungesë të një startegjie në nivel komunal për t’i ndihmuar gratë për tu kyçur në tregun e punës, japin vetëm fjalë por nuk ka veprime konkrete në këtë drejtim”.

Shkrim nga Prizma Medium që përkrahet nga programi i Fondacionit Kosovar për Shoqëri Civile (KCSF) ‘EJA Kosovë’, bashkëfinancuar nga Agjencia Zvicerane për Zhvillim dhe Bashkëpunim (SDC), Suedia dhe Qeveria e Dukatit të Madh të Luksemburgut./Media Ndërtimi.

 

Dizajn

65 përfaqësues të kompanive kosovare marrin pjesë në panairin gjigant të mobileve në Stamboll

Published

on

Panairi më i madh i mobileve në Evropë, po organizohet në Stamboll, i cili ka bashkuar prodhuesit më të rëndësishëm të mobileve botërore.

“Ne projektojmë të ardhmen e mobileve së bashku me fuqinë që marrim nga ju.”, është motoja e këtij panairi ku po marrin pjesë 65 përfaqësues te kompanive nga Kosova.

Panairi i cili do të jetë i hapur deri më 29 janar 2023 në Stamboll, përmban produkte te reja, dizajne orientale kryesisht, klasike ai dhe ekskluzive. /Media Ndërtimi.

 

Continue Reading

Dizajn

Viva Magenta shpallet ngjyra e vitit 2023 nga Sistemi i ngjyrave Pantone

Published

on

Çfarë janë ngjyrat pantone?

Kur njerëzit flasin për ngjyrat Pantone, zakonisht ata i referohen ngjyrës së specifikuar në Sistemin e Ngjyrave Pantone (PMS). Ky është një sistem ngjyrash i standardizuar i përdorur në shumë industri në prodhim, i cili përshkruan ngjyrat me një numër të caktuar. Sistemi Pantone është gjuha standarde për komunikimin me ngjyra nga projektuesi te prodhuesi te shitësi me pakicë te klienti. Fjala “Pantone” vjen nga kompania që shpiku sistemin, Pantone Inc.

Si funksionojnë ngjyrat Pantone?

Pantone Matching System standardizon 1114 ngjyra dhe i cakton çdo ngjyre një numër dhe emër. Duke përdorur sistemin Pantone, njerëzit në vende të ndryshme mund t’i referohen së njëjtës ngjyrë duke ditur vetëm numrin që e identifikon atë. Kjo i ndihmon prodhuesit dhe të tjerët të shmangin gabimet si devijimi i ngjyrës. Për sa kohë që një fabrikë ka numrin e duhur Pantone për ngjyrën e produktit tuaj, ata mund të jenë të sigurt nëse ngjyra do të përputhet ose jo me specifikimet tuaja.

Cila është ngjyra e vitit në  Sistemin e ngjyrave Pantone?

Tashmë dijmë zyrtarisht ngjyrën e vitit 2023 Pantone dhe duhet thënë që është luksoze! Viva Magenta 18-1750, godet me vetitë e saj. Është një ngjyrë e gjallë, sensuale dhe e gëzueshme që na çon në vitin 2023. Me ridizajnimet e fundit të logos nga markat kryesore si Instagram dhe Baskin Robins, ne e kemi parë tashmë këtë ngjyrë të ngrohtë të shfaqet.

Viva Magenta është një e kuqe e bollshme dhe lozonjare. Pantone e përshkruan Viva Magenta si të fuqishme dhe fuqizuese, duke inkurajuar lirinë e vetë-shprehjes dhe eksperimentimit. 2023 është viti kur  futemi me “kokë” në jetë dhe zgjerojmë horizontet tona. Pavarësisht nëse më në fund keni nisur atë biznes që keni dashur gjithmonë, ose nëse e keni shtyrë veten nga zona juaj e rehatisë në një mënyrë tjetër, Viva Magenta është një festë e jetës që po krijoni me veten tuaj.

Kombinime me ngjyrën e vitit Pantone 2023

Po kërkoni ngjyra për t’u kombinuar me Viva Magenta? Kjo e kuqe e gjallë Pantone kombinohet mirë me tone të thella  si jeshilja smerald dhe bluja e thellë, si dhe ngjyrat e neonit.

Le të hedhim një sy në disa kombinime ngjyrash me Viva Magenta.

Viva Magenta në një gamë ngjyrash monokromatike

Marka e njohur e enëve të gatimit, Great Jones, përdor ngjyrën e vitit 2023 të Pantone në një gamë ngjyrash monokromatike. Kombinoje Viva Magenta me ngjyrat e tjera rozë dhe të kuqe për të krijuar një estetikë të pasur dhe të lezetshme. Mund të krijoni kontrast duke përdorur tone më të lehta. Kjo do të ndihmojë në krijimin e një hierarkie vizuale.

Viva Magenta e kombinuar me nuanca tokësore

Ju mund ta “zbutni” Viva Magenta duke e kombinuar me nuanca të heshtura prej dheu, si bezhë ranore dhe kafe kanellë. Viva Magenta mund të bëhet e butë dhe romantike duke e kombinuar me ngjyra rozë monokromatike. Ne e duam fleksibilitetin e kësaj ngjyre dhe ndikimin që bën pa marrë parasysh se me çfarë kombinohet!(Pikark.com)/Media Ndërtimi.

Continue Reading

Dizajn

Zara është bërë me “armik” në Shtetet e Bashkuara të Amerikës

Published

on

Marka spanjolle ka denoncuar një kompani amerikane se ka shitur veshje të dizajnuara prej tyre, si të ishin të vetat.

“The Fashion Law” zbulon se marka Thilikó shiste me çmime “të ekzagjeruara”, deri në shtatë herë më të larta, veshje Zara që i tregtonte si të sajat. Pasi i blinte këto veshje Zara, kompania amerikane i hiqte etiketat e firmës spanjolle për t’i zëvendësuar me etiketa të vetat, ndërkohë që i rriste edhe çmimin.

Ankesa është paraqitur më 4 janar, në një gjykatë federale në Nju Jork. Në të, Zara dhe Inditex pretendojnë se kjo firmë me qendër në Los Angeles, ka bërë biznes me veshjet e tyre. Kështu, kompania në pronësi të Queenie Williams akuzohet për disa shkelje, si ajo e të drejtës së autorit, reklamat mashtruese dhe konkurrenca e pandershme, transmeton a2news.com.

Inditex pretendon se, përveç shitjes së paligjshme të veshjeve të saj, edhe faktin se kjo markë bënte sistematikisht fotografitë e saj për të reklamuar këto produkte të etiketuara gabimisht. Deri më tani, janë zbuluar gjithsej 32 imazhe, të mbrojtura nga e drejta e autorit, të cilat janë kapur nga faqja e internetit Zara dhe janë përdorur nga Thilikó për të promovuar shitjet. E njëjta veshje, i njëjti imazh, por një çmim shumë më të lartë.

Përveç kësaj, Inditex konsideron se kjo markë kryen reklama mashtruese kur pretendon të jetë një firmë e modës “e pavarur, krijuese dhe mjeshtërore e dizajneve në krijimet e saj”.

Së fundmi, kompania e grupit Inditex garanton se praktika e kësaj kompanie ka shkaktuar “dëme të konsiderueshme monetare dhe dëme të pariparueshme dhe të pakonsiderueshme në reputacionin e Zara”./Media Ndërtimi.

Continue Reading

Trending