Connect with us

Infrastrukturë

Përse Durrësi duhet të kujdeset për vilën e Mbretit Zog

Published

on

Vila mbi Kodër duket se ka mbetur në mëshirë të qytetit, që u krenua për vite me radhë me madhështinë e saj. Mjafton që Bashkia e Durrësit ta rikthejë vëmendjen drejt kësaj trashëgimie.

Vila mbi kodrën e Durrësit, që njihet më së shumti si Vila e Zogut, mbetet një nga godinat më tërheqëse të qytetit. E megjithatë, marrëdhënia e saj me qytetin është zbehur thuajse tërësisht, shkruan Reporter.al.

Pas shkatërrimit të mjediseve të brendshme gjatë trazirave të vitit 1997 dhe rikthimit të pronës te familja Zogu, Bashkia e Durrësit ka hequr dorë nga kujdesi për territorin e vilës.

Mungesa e gjelbërimit dhe rreziku nga rrëshqitjet janë dy elementë të pranishëm pranë godinës thuajse shekullore të Durrësit.

E ndërtuar në mesin e viteve 1920, vila në kodër funksionoi fillimisht si rezidencë presidenciale dhe më pas si pallat mbretëror i Ahmet Zogut. Gjatë viteve të komunizmit, ajo e ruajti statusin e rezidencës qeveritare dhe shërbeu për pritje.

Arkitektët dhe specialistët e trashëgimisë kulturore kanë theksuar shpesh vlerat e kësaj godine, por ajo nuk e fitoi asnjëherë statusin e monumentit të kulturës.

Pozicioni i vilës në lartësinë 98 metra; kartolinat e shumta që ende qarkullojnë me imazhin e saj si dhe prania e vazhdueshme e vizitorëve në rrugën që ngjitet drejt Kullës Anzhuine dhe farit të anijeve do ta bënin këtë godinë një atraksion për turistët e qytetit të Durrësit.

Por planet për restaurimin e saj mungojnë si nga familja Zogu ashtu edhe nga bashkia e Durrësit.

Ndërhyrjet që mund ta shpëtojnë godinën nga rreziku i rrëshqitjeve dhe mungesa e gjelbërimit nuk janë kryer prej shumë kohësh. Në pjesën juglindore të saj, kodra është thuajse e zbathur krejtësisht nga gjelbërimi, ndërsa zjarret e ndezura nga pakujdesia ose keqdashja i kanë tharë plotësisht mjaft prej pishave me moshë shumëvjeçare.

Themelet e ndërtesës aktualisht kërcënohen nga rrëshqitjet, një fenomen mjaft i pranishëm në këtë zonë që nga fillimi i viteve 2000. Ndërsa ndërtimet e shumta ngjitur me godinën e rrezikojnë edhe më tej atë.

Vila mbi Kodër duket se ka mbetur në mëshirë të qytetit, që u krenua për vite me radhë me madhështinë e saj. Mjafton që Bashkia e Durrësit ta rikthejë vëmendjen drejt kësaj trashëgimie./Media Ndërtimi.

Infrastrukturë

Turbulenca të vazhdueshme në tregun e shitjes së pajisjeve të ndërtimit

Published

on

Duke përjashtuar Kinën, shitjet e pajisjeve do të kenë një ulje të butë dhe do të bien vetëm 5% këtë vit, dhe ky parashikim mbetet i pandryshuar nga fillimi i vitit.

Pas dy vitesh shitjesh anormalisht të larta në 2020 dhe 2021 falë shpenzimeve stimuluese, tregu kinez ra në vitin 2022 me një rënie prej 39%. Kjo nuk ishte vetëm për shkak të mbarimit të parave të stimulit, por ndikimi u ndërlikua nga turbulencat në sektorin kinez të pasurive të paluajtshme së bashku me vështirësitë e vendit për t’u përballur me COVID.

E vetmja pikë e ndritshme në Kinë gjatë një ose dy viteve të fundit ka qenë miniera, e cila ka investuar në kamionë hale dhe ekskavatorë të mëdhenj për të përfituar nga çmimet e larta globale të mallrave.

Përtej Kinës

Diku tjetër në botë, industria e pajisjeve të ndërtimit duket mjaft mirë këtë vit. Shumica e tregjeve po qetësohen nga nivelet më të larta të vitit të kaluar, por rëniet duken të vogla dhe vëllimet janë ende shumë të mira në terma historikë.

Ka gjithashtu një pjesë të vogël të tregjeve që pritet të rriten këtë vit, më i rëndësishmi në terma vëllimi është India.

Duke parë pak më tej, ka më shumë pasiguri rreth perspektivave për vitin 2024. OEM-të raportojnë se marrja e porosive të tyre po bie dhe kjo mund të nënkuptojë një rënie të mëtejshme më të keqe se sa pritej në shitjet globale vitin e ardhshëm.

Parashikimi aktual i kërkimit jashtë autostradës është për një rënie prej 7% në përgjithësi në 2024. Nëse ka ndonjë rishikim për këtë, ato ka të ngjarë të jenë në rënie, jo lart./Media Ndërtimi

Continue Reading

Infrastrukturë

Kjo shtëpi është 4 vjet më e vjetër se sa vetë Zvicra si shtet

Published

on

Kjo shtëpi është 4 vjet më e vjetër se sa vetë Zvicra, e cila është themeluar në vitin 1291

Shtëpia e Betlehemit në Schwyz është ndërtuar në vitin 1287, e cila jo vetëm që e bën një ndër shtëpitë më të vjetra të banimit në Evropë, por edhe 4 vjet më të vjetër se vetë Zvicra, e cila është themeluar në vitin 1291, përcjell albinfo.ch.

Pjesa e jashtme përfshin panele prej druri të errët, me çati të pjerrëta. Shtëpia ka një sërë hyrjesh. Ambientet e brendshme janë një pamje e vërtetë e mrekullueshme që mund të shihet pasi tavani është i gdhendur nga druri si dhe ka disa relikte prej druri./Media Ndërtimi

Continue Reading

Infrastrukturë

Përfundon me sukses matja e rrugëve të reja në teren, Sistemi i Adresave në Kosovë drejt kompletimit

Published

on

Në kuadër të projektit REGIP të Bankës Botërore, Agjencia Kadastrale e Kosovës ka paraparë edhe komponentin për kompletimin e Sistemit të Adresave në Republikën e Kosovës.

Në kuadër të këtij komponenti janë paraparë disa aktivitetet si: Matja e rrugëve të reja në teren, mbledhja dhe përditësimi i të dhënave të adresave, prodhimi dhe instalimi i tabelave të emrave të rrugëve dhe numrave të adresave për komunat e ku mungojnë, ndërlidhja e qytetarëve me Adresa zyrtare dhe zhvillimi i aplikacionit ARIS mobile.

Aktiviteti për matjen e rrugëve të reja në teren ka përfunduar me sukses.

Ky aktivitet ka filluar në maj dhe ka përfunduar në gusht të vitit 2023.

Ky aktivitet ka pasur për qëllim matjen e rrugëve të reja të cilat kanë qenë të skicuara paraprakisht nga ana e komunave dhe më pastaj përmes GPS është bërë matja e rrugëve.

Gjatësia e rrugëve të skicuara nga komunat ka qenë rreth 635.628 metra, kurse rrugë të matura në fund të projektit ishin rreth 7.977.165 metra.

Ky aktivitet ka qenë shumë i rëndësishëm për faktin që komunave iu është dhënë mundësia që të dhënat e adresave të jenë sa më të përditësuara.

Përditësimi i të dhënave të adresave është shumë i rëndësishëm për faktin që Sistemi paraqet një gjendje më reale për numrin e tabelave të emrave të rrugëve dhe numrave të adresave që kanë nevojë për prodhim dhe instalim, e më pastaj është i rëndësishëm edhe për pajisjen e qytetarëve me adresë zyrtare./Media Ndërtimi

Continue Reading

Trending