Connect with us

Aktuale

Mundësitë e zhvillimit ekonomik në Prizren duke shfrytëzuar qendrën historike

Published

on

Derisa pjesa më e madhe e degradimit që është bërë në Qendrën Historike të Prizrenit është bërë në përpjekje të fitimit ekonomik, në periudhë afatgjatë, rrënimi dhe mungesa e mbikëqyrjes në Qendrën Historike ka ndikim negativ ekonomik, për qytetin si një tërësi.

Qasja për të siguruar që Qendra Historike e Prizrenit nuk konsiderohet vetëm si një vend i rëndësishëm i trashëgimisë kulturore, por i tillë që mund të shfrytëzohet për përmirësimin e kushteve socio-ekonomike në Prizren, duhet të përqendrohet në ndërhyrjet afatshkurtra dhe afatgjata. Në periudhën afatshkurtër, institucionet vendore duhet të fokusohen në ndërhyrjet e zbatueshme që kanë pak ose hiç implikime buxhetore.

Ndërhyrjet afatmesme dhe afatgjata duhet të eksplorojnë bashkëpunimin me qeverinë qendrore, organizatat ndërkombëtare dhe donatorët.

Të vazhdojë dhe të rritet përkrahja për festivalet dhe aktivitetet tjera kulturore e tradicionale të cilat kanë ndikim pozitiv në turizëm stimulojnë ekonominë lokale.

Ruajtja e trashëgimisë kulturore dhe stimulimi i revitalizimit të objekteve me destinim të para-caktuar që ndërlidhet me vlerat kulturore dhe historike të Prizrenit.

Duhet të parashihen investime në infrastrukturë për forma alternative të transportit, si p.sh. korsi për biçikleta. Në afat të mesëm, kjo ndërhyrje mund të zgjerohet për të përfshirë stacionet e biçikletave dhe të ofrojë turne për vizitorët. Zhvillimi i qytetit që është miqësor për biçikleta jo vetëm që do të ndikojë në atraktivitetin e qytetit, por gjithashtu do të stimulojë përdorimin e biçikletave si një mënyrë transporti, duke ulur kështu nevojën për makina.

Si rezultat, rënia e kërkesës për parkim, do të çojë në ulje të ofertës së parkingjeve, dhe kështu të ndalohet shndërrimi i shtëpive tradicionale në parkingje private.

Pakot stimuluese dhe promovuese për bizneset e vogla dhe për inovacion. Në bashkëpunim me qendrat e inovacionit dhe inkubatorët e biznesit, duhet të bëhet përmirësimi i mjedisit për idetë e reja dhe të qëndrueshme të biznesit.

Stimulimi i ringjalljes së artizanateve të vjetra duke krijuar sinergji me inovacion dhe teknologji moderne. Investim në sektorin e teknologjisë dhe sinkronizimit të inovacionit me tradicionalen në biznes.

Duke i dhënë rol të veçantë inovacionit në rimëkëmbjen e tradicionales, rriten edhe interesimi dhe mundësitë për tradicionalen.

Specifikisht, të shikohen mundësitë për investim në edukim joformal në filigran, rrobaqepësi – specifikisht të jorganëve dhe tjerave që janë karakteristike për Prizrenin. Po ashtu të konsiderohet bashkëpunimi me kurse dhe shkolla profesionale për të ofruar specializim në sektorë karakteristik për Prizrenin.

Si rezultat, të krijohen mundësitë për ri-aktualizim të tradicionales për tu përshtatur me nevojat e tregut modern.

Lëshimi i lejeve për idetë e bizneseve pop-up, dhe në afat të mesëm duke siguruar infrastrukturën fizike për ta bërë këtë (siç janë ofrimi i kabinave), në të cilat mund të operojnë bizneset specifike.

Sidomos të ofrohet një ambient mbështetës për artistët lokalë për ofrimin e kurseve të fotografisë ose të pikturës – të përqendruara në Qendrën Historike të Prizrenit.

Periudhat e provës mund të përfshijnë kohën më të zënë të sezonit të turizmit, megjithatë, këto sipërmarrje mund të ofrohen gjatë gjithë vitit.

Funksionalizimi i zyrave turistike dhe të informacionit dhe krijimi i klubit të ciceronëve turistik. Zyrat e informimit plotësisht në dispozicion dhe me informata të përditësuara mund të shërbejnë si adresë për turistët.

Themelimi i një klubi të ciceronëve turistik mund të ofrojë po ashtu mundësi punësimi për të rinjtë dhe/ose qytetarët e moshuar, të cilët mund të punojnë me grupe për të ofruar vizita të ndryshme. (8) Në bashkëpunim me agjencitë turistike të zhvillohen dhe të ofrohen paketa udhëtimi që përfshijnë Prizrenin si pjesë e një paketave më të gjera turistike.

Bashkëpunimi me qytetet në rajon, mund të funksionojnë për të siguruar pako turistike të përbashkëta.

Zbatimi i projekteve të rigjenerimit urban, gjegjësisht restaurimit të fasadës së ndërtesave në qendrën historike, me qëllim të ruajtjes së trashëgimisë kulturore.

Për bizneset që veprojnë në zonën e mbrojtur, të përpilohen udhëzime të detyrueshme për dizajnin e tarracës dhe fasadës, për të siguruar një që kjo zonë të ketë pamje në linjë me trashëgiminë kulturore dhe historike.

(*Pjesë e shkëputur nga Plani i menaxhimit për Qendrën Historike të Prizrenit të publikuar nga Ministria e Kulturës dhe Rrjeti i Organizatave të Kulturës në Prizren)./ Media Ndërtimi.

Aktuale

Vazhdon aksionin i prokurorisë për verifikimin e ndërtimeve në Brezovicë

Published

on

Prokuroria Themelore në Ferizaj bën me dije se aksioni po zhvillohet në bashkëpunim me Drejtorinë e Krimeve të Rënda (DKR) në Prishtinë, Inspektoratin e Minsitrisë së Mjedisit, Departamentin e Mbrojtjes së Mjedisit, Inspektoratin e komunës, Drejtorinë e Parkut Kombëtar “Sharri” dhe Agjencinë Kadastrale.

“Qëllimi i këtij inspektimi është identifikimi i ndërtimit të gjitha objekteve në zonat e mbrojtura të parkut kombëtar se në cilat zona janë ndërtuar ato, a posedojnë leje ndërtimore dhe të njëjtat a janë në pajtim me ligjin”, thuhet në njoftim.

Një aksion i ngjashëm ishte zhvilluar edhe më datën 4 gusht.

Inspektorët kishin dalë në terren për identifikimin e ndërtimeve në zonat e mbrojtura të parkut kombëtar./Media Ndërtimi.

 

Continue Reading

Aktuale

Në Han të Elezit protestohet kundër rritjes së çmimeve të çimentos

Published

on

Në Han të Elezit është protestuar për të kundërshtuar ngritjen e çmimeve të çimentos.

Dhjetëra kamionë kanë marrë pjesë në protestë, duke lëshuar boritë e tyre si shenjë kundërshtimi për këtë rritje.

Naim Mahmutaj, përfaqësues i Shoqatës së Betonjerkave të Kosovës, tha se kjo ngritje është bërë drastike dhe e papërballueshme.

“Jemi mbledhur sot në këtë tubim të qetë për të shprehur kundërshtimin dhe shqetësimin tonë të thellë lidhur me ngritjen e vazhdueshme të çmimit të çimentos. Siç jeni të informuar së fundmi, nga fabrika e çimentos “SharrCem” për ngritje të sërishme të çmimit të çimentos për 17.81 euro për ton, duke përfshirë TVSH-në, që do të hyjë në fuqi nga data 08.08.2022. kjo është ngritja e tretë e çmimit të çimentos brenda këtij viti. Meqenëse nga data 1 janar deri më sot, çmimi i çimentos është ngritur nga 82.01 euro për ton, në 129.80 euro për ton” tha ai.

Mahmutaj gjithashtu përmendi edhe shqetësimet e kësaj shoqate.

“Shqetësimet tona janë: ngritja e shpeshtë e çmimit të çimentos, mungesa e arsyetimit përmbajtjesor për këto ngritje, ngritja në mes të sezonit të punës, ngritja pa paralajmërim paraprak dhe në afat shumë të shkurtër kohor”.

Protesta ishte e qetë dhe pa incidente./Media Ndërtimi.

Continue Reading

Aktuale

Kërkohet të hetohet ngritja e çmimit të çimentos në Kosovë, vendet e origjinës nuk e kanë rritur çmimin!

Published

on

Kërkohet të hetohet ngritja e çmimit të çimentos në Kosovë, vendet e origjinës nuk e kanë rritur çmimin!

Çmimi i një toni beton në Kosovë është rritur për 60 euro, në treg kushton 150 euro

Prodhuesit e betonit në Kosovë i janë drejtuar kryeministrit Albin Kurti me një letër ku i ankohen për ngritjen e çmimit të cementit, si lëndë e parë për prodhimin e betonit.

Ata thonë se çmimet janë të papërballueshme meqë nga janari kanë pësuar rritje të madhe.

“Ndryshimet vetëm në vitin aktual janë të papërballueshme për mbarëvajtjen e procesit të punëve tona si prodhues dhe të gjithë sektorit të ndërtimtarisë, kjo pasi që nga janari që ishte çmimi 90 euro për ton në këtë moment ka arritur deri në 150 euro për ton”, thuhet ndër të tjera në letër.

Gjithashtu, ata kanë thënë se derisa kanë kontrata të mëhershme për furnizim me beton me çmime më të vogla, kjo po iu shkakton humbje, raporton Nacionale.com.

Kërkojmë nga autoriteti i konkurrencës që të hetojë këtë dukuri pasi që sipas informacioneve që kemi ne si tregtarë, fabrikat e cementit në vendet e origjinës nuk e kanë ngritur çmimet, por ngritja e çmimeve është duke ndodhur vetëm në Kosovë”.

“1.2 milionë tonë me ndryshim në çmim prej 60 euro për ton, 72 milionë euro ndryshim që konsiderojmë se i fitojnë prodhuesit e cementit dhe tregtarët e cementit në dëm të prodhuesve të betonit dhe sektorit të ndërtimtarisë. Poashtu, marrë parasysh që kemi kontrata të mëhershme për furnizim me beton me çmime të volitshme, kjo po bëhet e papërballueshme dhe do të na shkaktojë humbje”, thuhet më tutje në letër.

Në fund, ata thonë se nëse nuk ndërmerren masa për këtë çështje nga qeveritarët, do t’iu duhet të ndërpresin aktivitetet e tyre./Media Ndërtimi.

Continue Reading

Trending