Connect with us

Ndërtim

1 milion euro ndahen nga buxheti për ndërtimin e objektit të Ministrisë së Bujqësisë

Published

on

U paguan mbi 28 mijë euro në muaj për qira, Ministria e Bujqësisë pritet të bëhet me objekt të vetin

Një milion euro është shuma e buxhetit të ndarë për ndërtimin e objektit të Ministrisë së Bujqësisë, Pylltarisë dhe Zhvillimit Rural (MBPZhR).

Ky është projekt i ri kapital, ku qëllimi kryesor është akomodimi i përhershëm i zyrtarëve të MBPZhR-së në objekt publik duke kursyer kështu pagesa të përvitshme të qirasë nëpër objekte private.

Deri në ndërtimin e këtij objektit duket që ministria ende do të paguaj për qira, ku sipas kontratës së siguruar më parë nga Kallxo.com, për një muaj shuma e qirasë ishte mbi 28 mijë euro.

Në muajin gusht të vitit 2019, Ministria e Bujqësisë, Pylltarisë dhe Zhvillimit Rural (MBPZhR), kishte lidhur një kontratë qiraje me kompaninë private “A2 Grup” SHPK, për shfrytëzimin e objektit të kësaj kompanie në rrugën “Ukshin Hoti” në lagjen “Lakrishte” në Prishtinë dhe zbatimi i kontratë ishte paraparë nga data 1 shtator 2019.

Sipas kontratës, MBPZHR për tri vjet do t’i shfrytëzojë tri kate (të III-in, IV-in dhe VI-in) të ndërtesës së “A2 Grup” në lagjen “Lakrishte” në Prishtinë, me sipërfaqe të përgjithshme prej 1,560 metra katrorë me çmim 18 euro bruto për metër katror, përkatësisht 28,080.00 në muaj.”Qiramarrësi fillon shfrytëzimin e lokalit afarist sipas nenit 1 të kësaj kontrate për periudhën kohore tri vjeçare, duke filluar nga data 01 shtator 2019 deri më 31 gusht 2022, me mundësi vazhdimi”, thuhet në nenin 2 të kontratës.

Kontrata përfshinë edhe obligimet dhe kushtet që duhet t`u përmbahen palët. Ndërsa pala që do shkëputjen e kontratës duhet që kërkesën ta bëjë në formë të shkruar 180 ditë më herët nga data e shkëputjes.

Sipas buxhetit i cili është ende draft, dhe  pritet të marr dorën e fundit nga Kuvendi i Kosovës, ku veçse është miratuar në parim nga deputetet në seancën e mbajtur më datë 17 nëntor 2022, ndërtimi pritet të filloj në muajin janar të vitit 2023 dhe të përfundoj me 31 dhjetor të vitit 2024.Për më tepër lidhur me këtë projekt, Kallxo.com ka kërkuar qasje në informata në ministrinë në fjalë, ku edhe është konfirmuar.

“Ministria e Bujqësisë, Pylltarisë dhe Zhvillimit Rural ka kërkuar projekt të ri kapital me emërtimin “Ndërtimi i objektit të MBPZhR” gjatë përgatitjes së projekt-buxhetit për vitin 2023. Në kuadër të këtij projekti është planifikuar ndërtimi i objektit të MBPZhR-së në të cilin planifikohet të sistemohen zyrtarët e MBPZhR-së, përfshirë edhe ata nga dy agjencionet të cilat funksionojnë nën kuadrin e MBPZhR-së siç është Agjencia e Pyjeve të Kosovës, si dhe Agjencia për Zhvillimin e Bujqësisë.” – thuhet në përgjigjen e ministrisë.

Më tej thonë se aktualisht jemi në fazën fillestare të planifikimit për ndërtimin e objektit në fjalë dhe procedurat që po ndiçen./Media Ndërtimi.

Ndërtim

Nis zgjidhja e problemit për ndërtimin e Spitalin Rajonal të Ferizajt  

Published

on

Ministri i Shëndetësisë, Arben Vitia, ka treguar se kanë filluar të zgjidhen problemet rreth ndërtimit të Spitalit Rajonal të Ferizajit.

“Spitali i Ferizajit ka filluar të ndërtohet me shumë probleme, më në fund në javën e kaluar u zgjidh një nyje dhe po pritet të zgjidhet edhe nyja tjetër” ka thënë Vita për emisionin Context.

Ministri Vitia ka bashkëbiseduar me kryetarin e komunës së Ferizajt për zgjidhjen e problemeve, ku me mbarimin e këtyre problemeve të fillojë edhe procesi i ndërtimit të spitalit.

“Sot kam komunikuar me kryetarin e komunës së Ferizajt Agim Aliu, ku javën tjetër do të kemi një takim ku do t’i tregojë për zgjidhjen e kësaj nyje, ku bashkërisht Ministra e Shëndetësisë dhe Komuna e Ferizajt, më në fund edhe spitalin do të zgjidhet nyja dhe do të vazhdojë procesi i ndërtimit” ka thënë Vitia.

Poashtu Vitia ka thënë që nuk duhet të përqendrohet vetëm në QKUK por edhe në investimet e spitaleve regjionale.

“Edhe mos të harrojmë se sistemi shëndetësor në Republikën e Kosovës nuk është vetëm QKU-ja i ke edhe spitalet regjionale ku brenda nuk ka as ndriçimit e as rrugë adektuate të shtruar, e të gjitha këto janë në këtë planin e veprimit të cilat janë intervenime për me u rrit edhe siguria natyrisht por edhe qasja më e lehtë e qytetarëve në shërbimet shëndetësore nëpër këto institucione publike” tha Vitia.

Ndërtimi i këtij spitali ka filluar që nga viti 2018, ndërsa vlera totale e projektit fillestar ishte 10 milionë euro, ku më vonë kësaj kontrate përmes ankesave i ishin shtuar edhe rreth 1 milion euro të tjera për punë shtesë.

Më vonë kanë kërkuar edhe mbi 5 milionë euro të tjera për përfundimin e projektit.

Ministri e Shëndetësisë kishte bërë kallxim penal kundër kompanisë “Arbëria” që ka kontratë për ndërtimin e spitalit të Ferizajt me pretendimin se kjo kompani ka fituar kontratë me çmime manipulative, në atë mënyrë që çmimet e punëve fillestare janë vendosur shumë më të larta se çmimet reale në treg./Media Ndërtimi.

Continue Reading

Ndërtim

Viti 2023 fillon me ‘vrull pozitiv’ për industrinë e ndërtimit

Published

on

Ndërtimi total botëror u rikuperua në dhjetor i vitit që lamë pas, për të rezultuar me një fitim prej 27% për një normë vjetore të rregulluar sezonalisht prej 1.185 trilion dollarë.

Sektori i ndërtimit u drejtua nga ndërtimi i objekteve jorezidenciale, të cilat u rritën në 549.6 miliardë dollarë në bazë vjetore të rregulluar sezonalisht, një rritje prej 51% nga nëntori.

Ndërtimet të cilat përfshijnë projekte infrastrukturore si rrugë dhe ura, si dhe shërbime komunale dhe tubacione, u rritën gjithashtu me 30%, në 281.4 miliardë dollarë, ndërsa fillimet e ndërtimit të banesave ishin të sheshta.

Për gjithë vitin 2022, fillimet totale të ndërtimit ishin 15% më të larta se një vit më parë.

Ndërtesat jorezidenciale, pronat komerciale dhe impiantet – fituan 38% nga viti në vit, ndërsa sektori jo-ndërtues shënoi një rritje prej 19%. Nisjet për banim, të dëmtuara nga normat më të larta të hipotekave, ranë me 3% për vitin./Media Ndërtimi.

Continue Reading

Ndërtim

Faza e parë e Portit të ri në Porto Romano tenderohet këtë vit

Published

on

Autoriteti Portual i Durrësit pritet të tenderojë këtë vit fazën e parë të punimeve për portin e ri të Porto Romanos.

Punimet në këtë fazë kanë një kosto rreth 390 milionë euro dhe pritet të përfundojnë brenda vitit 2025, bëjnë me dije burimet nga Autoriteti Portual i Durrësit.

Faza e parë e ndërtimit përfshin ndërtimin e terminalit të kontejnerëve, lidhjen me infrastrukturën rrugore, hekurudhore, rrjetin e kanalizimeve, energjisë elektrike dhe furnizimin me ujë.

Në këtë fazë do të ndërtohet gjithashtu një objekti detar, fushëveprimi i të cilit ende nuk është përcaktuar.

Në këtë fazë do të ndërtohen vendbregëzimet, ndërtesat e përbashkëta, ndërtesa e zyrave doganore dhe agjencive të tjera, porta kryesore e portit, objektet e sigurisë dhe mbrojtjes civile, zyrat e kapitenerisë së portit dhe kulla e kontrollit të VTS, nënstacione etj.

APD, me mbështetjen e Ministrisë së infrastrukturës dhe Energjisë do të sigurojë të gjitha miratimet e nevojshme për të realizuar fazat e tenderimit dhe ndërtimit (nga 2023 e në vijim) në varësi të mundësive financiare, raporton revista Monitor.

Përveç përpunimit të mallrave rreth 2 milionë kontejnerë në vit, Porti i ri Porto Romanos parashikohet të përpunojë deri në 1 milionë pasagjerë në vit, edhe pse ky shërbim ishte lënë për tu kryer nga Marina e Jahteve në Durrës.

Autoriteti Portual i Durrësit ka lidhur tashmë një kontratë konsulence me bashkimin e operatorëve “HASKONINGDHV NEDERLAND B.V. – ADEC ENGINEERING CONSULTANCY L.L.C. – ABKONS SH.P.K. -TAULANT SH.P.K. – GEO-ENG SH.P.K.”, për përgatitjen e projektit teknik dhe dokumenteve të tenderit për ndërtimin e Portit të integruar të Durrësit në Porto Romano si edhe pajisjeve/superstrukturës për trajtimin e ngarkesave.

Royal HaskoningDHV që ka punuar për studimin e fisbilitetit për Portin ri në Porto Romano ka finalizuar një kosto totale prej rreth 2 miliardë eurosh për ndërtimin tërësor të portit.

Faza e parë e punimeve pritet të përfundojë në vitin 2025, por i gjithë porti do të përfundojë tërësisht në vitin 2050.

Ndërkohë pala shqiptare ende nuk ka qartësuar formën e financimit të këtij projekti të kushtueshëm dhe strategjik për vendin.

Porti tregtar i Durrësit do të zhvendoset ne Porto Romano për arsye se në vend të tij do të zhvillohet një projekt i ri me ndërtesa luksoze dhe një marinë jahtesh, një investim me kompani pjesëmarrëse nga Emiratet e Bashkuara Arabe. Zhvendosja e shërbimeve tregtare nga Porti i Durrësit në Porto Romano do të bëhet në disa faza për një periudhe rreth 20 vjeçare.

Ndërkohë ky proces ka nxitur pasiguri tek investitorët dhe përdoruesit e Portit të Durrësit, pasi ndërtimi i një porti të ri kërkon investime të mëdha dhe një infrastrukturë krejt të re.

Ndërtimi i portit të ri në Porto Romano do të kërkojë financime të konsiderueshme për zbatimin e plotë të tij dhe vetëm në fazën e parë 390 milionë euro pa TVSH. Të paktën 46% e financimit do të sigurohet nga qeveria dhe 54% nga sektori privat.

Modeli i një PPP-je në ndërtim duket se do të shtrihet edhe në këtë projekt ndërkohë që edhe operimi do të përfshijë sektorin privat me kontrata specifike një model që e ka aktualisht edhe Porti i Durrësit./Media Ndërtimi.

Continue Reading

Trending